Paris Saint-Germaini ka fituar 3:1 ndaj Aston Villas në ndeshjen e parë çerekfinale të Ligës së Kampionëve. Ndeshja u zhvillua në “Parkun e Princave” në Paris, të mërkurën mbrëma.
Rezultati e lë të hapur sfidën për ndeshjen e kthimit që zhvillohet në “Villa Park” në Birmingham të martën. Por Parisi është në situatë shumë të favorshme për kualifikim në gjysmëfinale të garës elitare evropiane.
Morgan Rogers e kaloi në epërsi 1:0 skuadrën angleze. Ai shënoi në minutën e 35-të.
Talenti i madh, Desire Doue shënoi supergol në minutën e 39-të për 1:1.
Khvicha Kvaratskhelia shënoi po ashtu gol të bukur për rezultatin 2:1 në të mirë të Parisit. Gjeorgjiani realizoi në minutën e 49-të.
Vendasit nuk ndalën sulmet në kërkim të golit të tretë. Kur dukej që sfida do të mbyllej me një gol dallim, kampioni francez e shënoi edhe golin e tretë. Nuno Mendes realizoi për 3:1 në minutën e 92-të.
Goli i tretë
⚽️ GOAL: Nuno Mendes
🇪🇺 PSG 3-1 Aston Villapic.twitter.com/xcDcIe7aRB
Tjetër supergol në Paris
PSG-ja po udhëheq 2:1 ndaj Aston Villas.
Khvicha Kvaratskhelia shënoi supergol në minutën e 49-të.
Baras në “Parkun e Princave” pas pjesës së parë
Paris Saint-Germaini dhe Aston Villa kanë dhuruar shfaqje të bukur në pjesën e parë të ndeshjes së parë çerekfinale të Ligës së Kampionëve.
Megjithatë, pjesa e parë u mbyll baras, 1:1.
Të parët që kaluan në epërsi ishin anglezët që shënuan në minutën e 35-të me Morgan Rogersin, i cili u asistua nga Youri Tielemans.
Por ishte supergoli i Desire Doues që e vendosi rezultatin e pjesës së parë 1:1.
Doue, që ka pesë gola të shënuar në katër ndeshjet e fundit, dhe 12-të në gjithë edicionin, plasoi bukur topin prapa shpinës së portierit Emiliano Martinez, në minutën e 39-të.
Supergol nga Doue
Paris Saint-Gemraini e ka barazuar shpejtë rezultatin ndaj Aston Villas.
Sulmuesi 19-vjeçar Desire Doue shënoi supergol në minutën e 39-të.
Ai realizoi në portën e Emiliano Martinezit në këndin ku e pati të pamundur ta presë atë gjuajtje.
Doue ka pesë gola të realizuar në katër ndeshjet e fundit, ndërsa 12-të i ka në gjithë edicionin.
DOUE WOWWWWWWW pic.twitter.com/h01ZnEmK4d
— (fan) Frank 🧠🇵🇹 (@AmorimEra_) April 9, 2025
Shokohet PSG-ja
Paris Saint-Germaini është duke u befasuar nga Aston Villa.
Skuadra angleze është duke fituar me rezultatin 1:0 me golin që në minutën e 35-të, e shënoi Morgan Rogers. Rogers pranoi top të mirë në zonë nga Youri Tielemasn.
🚨🇪🇺 GOAL | PSG 0-1 Aston Villa | Morgan Rogers
MORGAN ROGERS OPENS THE SCORING FOR ASTON VILLA !!!!!!!!!!!!!!!!!!!!!!!!!!!!!!!pic.twitter.com/KLOfFxABZI— Tekkers Foot (@tekkersfoot) April 9, 2025
PSG-ja po dominon pas dhjetë minutash
Paris Saint-Germaini është duke dominuar ndaj Aston Villas pas dhjetë minutash lojë të zhvilluara në “Parkun e Princave”, në çerekfinalen e parë.
PSG-ja rastin më të mirë për shënim e pati në minutën e nëntë, kur gjuajtjen e Ousmane Dembeles e priti portieri argjentinas i Aston Villas, Emiliano Martinez.
