Skuadra e Prishtinës është kthyer te fitorja në Superligën e Kosovës në futboll. Prishtina të shtunën pasdite e mposhti në udhëtim Suharekën me rezultatin e thellë, 4:0.
Për skuadrën nga kryeqyteti kjo ishte fitorja e dytë rresht në të gjitha garat.
Prishtina të mërkurën e fitoi gjysmëfinalen e parë të Kupës së Kosovës. E mposhti Dritën në Gjilan me rezultatin 1:0. Ndeshja e kthimit luhet më 23 prill.
Goli i parë u realizua nga Ardian Limani me kokë në minutën e 39-të.
Dion Gallapeni realizoi për 2:0 në minutën e 51-të.
Limani e shënoi golin e dytë personal dhe të tretin në ndeshje në minutën e 66-të.
Goli i katërt u shënua në minutën e 82-të.
Prishtina nga minuta e 79-të luajti me një futbollist më pak në fushë.
Suhareka renditet në pozitën e tetë me 32 pikë. Prishtina ka gjashtë pikë më shumë dhe e zë vendin e katërt.
Tjetër gol në Suharekë
Ardian Limani e ka shënuar edhe golin e tretë për Prishtinën në ndeshjen ndaj Suharekës.
Ai realizoi me kokë në minutën e 66-të, pasi shfrytëzoi reagimin jo të mirë të portierit Oytun Ozdogan.
Ozdogan u mundua ta kap topin pas goditjes nga këndi, por i rrëshqiti nga dora. Këtë e shfrytëzoi qendërmbrojtësi i Prishtinës që shënoi lehtësisht me kokë.
Goli u pranua pas konfirmimit nga dhoma e VAR-it.
Prishtina e dyfishon epërsinë
Skuadra e Prishtinës e ka dyfishuar rezultatin ndaj Suharekës.
Dion Gallapeni realizoi për 2:0 në minutën e 52-të.
Kjo ndeshje i takon xhiros së 28-të të Superligës së Kosovës në futboll.
Mbyllet pjesa e parë, Prishtina në epërsi ndaj Suharekës
Prishtina ka shkuar në pushim me epërsi prej një goli ndaj Suharekës.
Golin e shënoi Ardian Limani në minutën e 39-të.
Prishtina në epërsi
Prishtina ka kaluar në epërsi ndaj Suharekës në minutën e 39-të, në ndeshjen që po luhet në stadiumin e qytetit në Suharekë, e që i takon xhiros së 28-të të Superligës së Kosovës në futboll.
Qendërmbrojtësi Ardian Limani pas harkimit nga këndi u shkëput bukur në zonë dhe realizoi me kokë për 1:0.
