Leonard Pllana e ka shënuar golin e tetë në kategorinë e dytë të futbollit në Korenë e Jugut.
Me golin e Pllanës të shtunën gjatë ditës, Gimpo i siguroi pikët e plota ndaj Ansan Greeners.
Pllana 27-vjeçar shënoi në minutën e 11-të për 1:0, rezultat me të cilin u mbyll ndeshja. Pllanës iu anulua edhe një gol tjetër në minutën e dytë të kohës shtesë.
Sulmuesi i krahut ka tetë gola të shënuar në edicionin aktual, ndërsa ka edhe tri asistime.
Gimpo pas 25 ndeshjeve të luajtura ka 35 pikë dhe zë vendin e gjashtë.
