(14:00) - Gjilani ka fituar në Podujevë në ndeshjen e skuadrave që janë të rrezikuara për mbetje në elitë.
Skuadra gjilanase të shtunën e mposhti Llapin 1:0, dhe e ka thelluar edhe më shumë krizën e skuadrës së drejtuar nga trajneri Tahir Batatina.
Sfida u vendos me golin e zëvendësuesit Sabit Bilali.
Bilali në minutën e 62-të shënoi nga afërsia, pas asistimit të sulmuesit Senad Jaroviq.
Me fitoren e arritur të shtunën, Gjilani tani shkëputet nga zona që dërgon direkt në kategorinë e dytë të futbollit kosovar.
Gjilani i gjashti ka 24 pikë, ndërsa Llapi mbetet në pozitën e parafundit me 18 pikë.
Për Llapin ishte ndeshja e 12-të në Superligë pa fitore.
Llapi në këtë ecuri negative të rezultateve ka pesë barazime e shtatë disfata.
Gjilani në epërsi ndaj Llapit
(13:26) - Gjilani ka kaluar në epërsi ndaj Llapit në ndeshjen e xhiros së 19-të të Superligës së Kosovës në futboll, që po luhet në stadiumin “Zahir Pajaziti” në Podujevë.
Pas aksionit shumë mirë të ndërtuar, sulmuesi Senad Jaroviq asistoi për zëvendësuesin Sabit Bilali, i cili realizoi nga afërsia për 1:0.
Ndodhi kjo në minutën e 62-të.
Pjesa e parë pa gola në Podujevë
(12:55) - Llapi dhe Gjilani e kanë mbyllur pjesën e parë pa gola në Podujevë.
Të dyja ekipet patën raste shënimi, por pa arritur të konkretizojnë.
