Portieri Mattia Perin e ka vazhduar kontratën me Juventusin deri në vitin 2027.
Lajmi u konfirmua të mërkurën nga faqja zyrtare e Juventusit.
“Mattia Perin do ta vazhdojë aventurën me Juventusin deri më 30 qershor të vitit 2027”, ka shkruar faqja e “bardhezinjve”.
Vazhdimi i kontratës së Perinit vjen një ditë pas shkëlqimit që pati në duelin e “Championsit” ndaj Stuttgartit, ku e priti edhe një penallti.
Juventusi megjithatë u mposht 1:0.
31-vjeçari në edicionin aktual ka zhvilluar katër paraqitje.
