Nuk ka dhënë fitues ndeshja mes Dukagjinit dhe Suharekës, e zhvilluar të mërkurën në Klinë.
Ndeshja e xhiros së 11-të të Superligës së Kosovës në futboll përfundoi 2:2.
Mevlan Zeka shënoi golin e parë për suharekasit në minutën e 24-t. Menjëherë në minutën e 28-të rezultatin në 1:1 e barazoi Hekuran Berisha.
Mysafirët kaluan në epërsi 2:1 në minutën e 55-të kur shënoi Liridon Fetahaj. Një pikë Dukagjinit ia siguroi Berisha me golin e dytë të shënuar në minutën e 71-të.
Në xhiron e kaluar Dukagjini barazoi pa gola me Ballkanin, ndërsa Suhareka fitoi 2:1 ndaj Prishtinës.
Dukagjini i Klinës është i parafundit me 11 pikë. Suhareka del në vendin e tretë me 17 pikë.
Dukagjini barazon rezultatin në ndeshjen me Suharekën
Dukagjini ka barazuar në 2:2 rezultatin në ndeshjen ndaj Suharekës.
Për 2:2 shënoi Hekuran Berisha në miunutën e 71-të. Ai realizoi edhe golin e parë për skuadrën nga Klina.
Ndeshja i takon xhiros së 11-të të Superligës.
Mevlan Zeka e Liridon Fetahaj shënuan golat për Suharekën.
