Derbi i xhiros së 29-të të kampionatit francez të futbollit i ka takuar skuadrës së Monacos.
Monaco të shtunën pasdite e fitoi derbin ndaj Marseillet me rezultatin, 3:0.
Monaco me fitoren që e shënoi del në vendin e dytë me 53 pikë.
Një pikë më pak e ka Marseille dhe renditet në pozitën e tretë.
Takumi Minamino e realizoi golin e parë në minutën e 34-t.
Për 2:0 shënoi Breel Embolo në minutën e 58-të. Ai u asistua nga Vandersoni.
Golin përfundimtar e shënoi mesfushori zviceran, Denis Zakaria, nga penalltia.
Tashmë titullin e kampionit në elitën e futbollit francez e ka siguruar Paris Saint-Germaini.
Parisi e mban pozitën e parë me 74 pikë.
