Real Madridi mposhti Real Sociedadin 1:0 të premten mbrëma në “San Sebastian”, kurse kroati Luka Modriq luajti nga fillimi e deri në minutën e 84-t.
Ai u zëvendësua nga Lucas Vazquez.
Për kapitenin e Kroacisë ishte paraqitja e 527 për Real Madridin, dhe u bë futbollisti i tretë me më së shumti paraqitje, nga lojtarët jo spanjoll.
Ai e ka barazuar brazilianin e krahut të majtë, Roberto Carlos, por para tij është braziliani tjetër i krahut të majtë, Marcelo, që ka 546 paraqitje.
Ndërkohë, francezi Karim Benzema ka 648 paraqitje për skuadrën më të suksesshme evropiane.
38-vjeçari Modriq mund ta kalojë Carlosin nëse i ofrohet kontratë e re.
Pas ndeshjes, trajneri Carlo Ancelotti ka thënë se Modriq është në formë të përkryer fizike.
