Ka përfunduar rrugëtimi i Milanit italian në edicionin 2024/2025 të Ligës së Kampionëve.
Shtatë herë kampioni i Evropës, Milani, u eliminua nga skuadra holandeze, Feyenoord, në plejofin e fazës nokaut të Championsit.
Feyenoordi e kishte fituar 1:0 ndeshjen e parë në Rotterdam, javën e kaluar. Ndërkohë ndeshja e kthimit, e zhvilluar të martën në “San Siro”, përfundoi 1:1. Kështu Feyenoordi me rezultatin e përgjithshëm 2:1 avancon në një të tetën e finales.
Ndeshja nisi si më mirë për kuqezinjtë. Që në minutën e parë për 1:0 realizoi Santiago Gimenez. Me rezultatin 1:0 përfundoi pjesa e parë.
Ndërkohë pjesa e dytë nisi si më keq për klubin e madh italian. Theo Hernandez, që u ndëshkua me kartonin e parë të verdhë në minutën e 44-t, e mori kartonin e dytë të verdhë në minutën e 51-të. Ai u ndëshkua për simulim dhe la skuadrën me dhjetë lojtarë në fushë.
Kjo doli të jetë e papërballueshme për Milanin.
Rezervisti Julian Carranza shënoi për 1:1 në minutën e 73-të. Ky gol ishte i mjaftueshëm për skuadrën holandeze që të bëj vend në mesin e 16 skuadrave më të mira evropiane.
Barazon Feyenoordi, Milani drejt eliminimit
Feyenoordi ka barazuar rezultatin në 1:1 në ndeshjen ndaj Milanit.
Julian Carranza shënoi në minutën e 73-të.
Milani prej minutës së 51-të po luan me një lojtar më pak në fushë. Pas kartonit të dytë të verdhë u përjashtua Theo Hernandez.
VIDEO:
⚽️ GOAL: Julián Carranza
🇪🇺 Milan 1-1 Feyenoordpic.twitter.com/CjkSaOF2ds— Goals Xtra (@GoalsXtra) February 18, 2025
Milani në epërsi pas pjesës së parë
Goli i Santiago Gimenezit që në sekondat e para i ka mjaftuar Milanit që ta mbyllë pjesën e parë me avantazh ndaj Feyenoordit.
Gimenez, ish-sulmues i Feyenoordit, realizoi që në nismë të ndeshjes së plejofit të Championsit.
Rossonerët po udhëheqin 1:0.
Ndeshjen e parë e fitoi Feyenoordi, 1:0.
Milani në epërsi që në minutën e parë
Milani ka kaluar në epërsi 1:0 që në minutën e parë të ndeshjes ndaj Feyenoordit.
Santiago Gimenez realizoi që në nismë të ndeshjes së plejofit të Championsit.
Ndeshjen e parë e fitoi Feyenoordi, 1:0.
🚨 SANTIAGO GIMENEZ OPENS THE SCORING AFTER ONLY 36 SECONDS FOR AC MILAN 🤯🔥 pic.twitter.com/cZbIy5hEMV
— KinG £ (@xKGx__) February 18, 2025
