Tetë herë fituesi i Topit të Artë shënoi në minutën e 56-të golin e fitores për Inter Miamin ndaj Sporting Kansas Cityt në një mbrëmje të ftoftë në ndeshjen e parë të 1/16 të finales së Kupës së Kampionëve për zonën CONCACAF.
Messi pranoi një top nga Sergio Busquets, u lirua nga mbrojtësit e ekipit kundërshtar dhe me gjuajtje të saktë shënoi golin e fitores 1:0.
Trajneri i Inter Miamit, Javier Mascherano e cilësoi Messin si lojtar “fantastik”. “Jam shumë krenar sepse mendoj se ishte e pamundur të luash në këto kushte. Ai nuk është njeri, këtë e dini. Ndaj jam shumë krenar, sepse dhanë 100 %”, ka thënë Mascherano.
Ndeshja kthyese luhet më 25 shkurt.
