Ballkani e ka humbur ndeshjen e parë të raundit të tretë kualifikues të Ligës së Konferencës. Kampioni i Kosovës në futboll humbi nga Larne e Irlandës së Veriut me rezultatin 1:0.
Ndeshja e parë u zhvillua të enjten mbrëma në stadiumin “Fadil Vokrri” në Prishtinë.
Golin e fitores për Larnen e shënoi në minutën e 89-të, Aaron Donnelly.
Shokohet Ballkani
Ballkani ka pësuar gol në minutën e 89-të nga Larne në stadiumin “Fadil Vokrri”.
Goli i shënuar Aaron Donnellyt u konfirmua nga VAR-i.
⚽️ Goal: Matthew Lusty | Ballkani 0-1 Larne FCpic.twitter.com/fwW5nBD5fW
— PushGoals (@PushGoals) August 8, 2024
Mbyllet pa gola pjesa e parë në “Fadil Vokrri”
Ka përfunduar pa gola pjesa e parë e ndeshjes Ballkani – Larne.
Kjo ndeshje po luhet në stadiumin “Fadil Vokrri”.
Është ndeshja e parë e raundit të tretë kualifikues të Ligës së Konferencës.
Ballkani me formacion sulmues ndaj Larnes
Trajneri i kampionit të Kosovës, Ballkanit, Ilir Daja ka publikuar 11-shen startuese për ndeshjen ndaj ekipit të Irlandës së Veriut, Larne.
Ndeshja zhvillohet nga ora 20:00 në stadiumin “Fadil Vokrri” në Prishtinë.
Është ndeshja e parë e rundit të tretë kualifikues të Ligës së Konferencës.
Ballkani luan me formacion 3-5-2.
