Përditësuar (15:55) - Futbollistet e Kosovës të martën pasdite kanë pësuar disfatë nga Letonia me rezultatin 1:0.
Kjo ndeshje u zhvillua në stadiumin “Fadil Vokrri” në Prishtinë dhe i takoi xhiros së dytë të Grupit 6 të Ligës C të Ligës së Kombeve.
Golin e fitores për mysafiret e realizoi Viktorija Zaicikova në minutën e 51-të.
Kosovës iu anulua një gol e Donjeta Halilajt në pjesën e dytë.
Kosova ndeshjen e parë e fitoi ndaj Maqedonisë së Veriut me rezultatin e thellë 4:0.
Letonia renditet në pozitën e parë me tri pikë.
Tri pikë i ka edhe Kosova që është në vendin e dytë.
Kosova pëson gol nga Letonia
Përditësuar (15:12) - Letonia ka kaluar në epërsi ndaj Kosovës në ndeshjen e vlefshme për xhiron e dytë të Grupit 6 të Ligës C të Ligës së Kombeve.
Për 1:0 realizoi Viktorija Zaicikova në minutën e 51-të.
Mbyllet pa gola pjesa e parë në "Fadil Vokrri"
Futbollistet e Kosovës janë duke barazuar pa gola me Letoninë pas pjesës së parë.
Ndeshja është duke u zhvilluar në stadiumin “Fadil Vokrri” në Prishtinë.
Kjo ndeshje i takon xhiros së dytë të Grupit 6 të Ligës C të Ligës së Kombeve.
Ndeshjen e parë, Kosova e fitoi ndaj Maqedonisë së Veriut me rezultatin 4:0.
