Kylian Mbappe e ka shënuar golin e 39-të të edicionit aktual dhe e ka ndihmuar Paris Saint-Germainin të avancojë në finale të Kupës së Francës.
PSG-ja të mërkurën mbrëma fitoi 1:0 përballë Rennesit në gjysmëfinalen që u zhvillua në “Parkun e Princave”.
Mbappe e humbi penalltinë në minutën e 37-të, por shënoi tre minuta më pas.
Ai e kompletoi ndeshjen.
Në finalen që zhvillohet më 25 maj, PSG-ja takohet me Lyonin.
