Interi mund të përballet me dy mungesa të rëndësishme për ndeshjen ndaj Feyenoordit.
“Calciomercato” ka raportuar të hënën se Lautaro Martinez dhe Stefan de Vrij janë duke u përballur me ngarkesë muskulore.
Të dy futbollistët mund të mos paraqiten ndaj Feyenoordit.
Është raportuar se edhe trajneri i Interit, Simone Inzaghi, po planifikon që Martinezin, De Vrijin dhe Hakan Çalhanoglun t’i pushojë ndaj ekipit holandez.
Interi të martën nga ora 21:00 e pret Feyenoordin në ndeshjen e kthimit të një të tetës së finales së Championsit.
Interi e ka fituar ndeshjen e parë me rezultatin 2:0 dhe është afër që ta sigurojë çerekfinalen.
Interi është duke kaluar formë të mirë këtë edicion edhe në Serie A.
Pas 28 ndeshjeve të zhvilluara është lider me 61 pikë.
