Qendërmbrojtësi i Manchester Unitedit, Harry Maguire, nuk do të mund të luajë në finale të Kupës FA kundër Manchester Cityt.
Maguire ka telashe fizike.
Ai nuk ka luajtur që prej 27 prillit pas një lëndimi muskulor të marrë në stërvitje, dhe ishte në dyshim për të luajtur në finalen e “Wembleyt” të shtunën.
Futbollisti i Anglisë nuk është i sigurt edhe për Kampionatin Evropian që në këtë verë organizohet në Gjermani.
Por, të enjten është njoftuar se Unitedi do të mund të llogaritë në shërbimet e Mason Mountit, Victor Lindelofit dhe Anthony Martialit, që janë kthyer nga lëndimi.
Unitedi duhet të triumfojë për ta siguruar vendin që dërgon në Ligën e Evropës në edicionin e ardhshëm.
Kampioni i Premier Leagues, Manchester City, synon të bëhet skuadra e parë angleze që e fiton dy herë rresht ligën dhe Kupën FA.
