(E përditësuar 23:29) Manchester City nuk ka lejuar që të turpërohet duke u eliminuar në fazën e ligës në Champions. City fitoi 3:1 ndaj Club Brugge të mërkurën në “Etihad” dhe siguroi biletën për fazën e plejofit. Kampionit anglez i duhej fitorja për të shmangur eliminimin.
Pjesa e parë nuk ishte e suksesshme për skuadrën e Pep Guardiolas. Raphael Onyedika shënoi për 1:0 në të mirë të klubit belg në minutën e 45-të. Por City shfaqi forcën në pjesën e dytë.
Mateo Kovaçiq shënoi për 1:1 në minutën e 53-të. Joel Ordonez shënoi autogol në minutën e 62-të, ndërsa Savinho shënoi golin e tretë në minutën e 77-të. Ardon Jashari startoi te Brugge. E kompletoi ndeshjen.
City avancon në plejof nga pozita e 22-të e fazës së ligës. Mblodhi 11 pikë. Avancon në plejof edhe Club Brugge, që renditet i 24-ti po me 11 pikë. Brugget i shkuan në favor disa rezultate të tjera.
Dinamo Zagrebit i ka munguar fati për të avancuar në plejof. Kampioni kroat e mposhti 2:1 Milanin e famshëm, por kjo fitore nuk ishte e mjaftueshme.
Dinamo përfundoi e 25-ta, përkatësisht në pozitën më të lartë që nuk siguroi avancimin. Dinamo mblodhi 11 pikë, sa i kanë edhe City, Sportingu e Brugge. Por për shkak të goldallimit, Dinamo është e fundit prej këtyre skuadrave.
Dinamos i është dashur fitore edhe për tre gola më e thellë për t’u kualifikuar. Martin Buturina e Marko Pjaca shënuan golat për Dinamon. Për Milanin realizoi Christian Pulisic. Milani prej minutës së 39-të luajti me një lojtar më pak në fushë. Milani përfundoi i 13-ti dhe me 15 pikë dhe po ashtu avancon në plejof.
Dinamo ishte në lojë për kualifikim deri në fazë të vonshme të ndeshjeve të së mërkurës mbrëma.
Por barazimi 1:1 i Sportingut me Bolognan e nxori nga loja. Bologna ishte në epërsi 1:0 prej minutës së 21-të, ndërsa Sportingu golin e barazimit vendimtar e shënoi në minutën e 77-të.
Sportingu u kualifikua në plejof nga pozita e 23-të, ndërsa Bologna mblodhi gjashtë pikë dhe u eliminua.
Të mërkurën mbrëma janë zhvilluar të gjitha 18 ndeshjet e xhiros së fundit, përkatësisht të tetë të fazës së ligës. Më interesantja ishte gara për të shmangur eliminimin.
Paris Saint-Germaini ka fituar thellë në Gjermani ndaj Stuttgartit dhe ka bërë po ashtu vend në plejof. Me humbje do të eliminohej.
Parisienët fituan 4:1. Ousmane Dembele shënoi “hat-trick” për Parisin, ndërsa një gol e shënoi Bradley Barcola. Willian Pacho i Parisit shënoi autogol në minutën e 77-të për rezultatin final, 4:1 për Parisin.
Parisi avancon në plejof nga pozita e 15-të e fazës së ligës.
Stuttgartit i kushtoi humbja me eliminim. Përfundoi i 26-ti me 10 pikë. Parisi i mblodhi 13 pikë.
Liverpooli e ka pësuar humbjen e parë në fazën e ligës në Champions. Liverpooli pësoi 3:2 në Holandë nga PSV-ja. Liverpooli kishte shtatë fitore rresht, ndërsa pushoi shumë lojtarë për këtë sfidë.
Liverpooli përfundoi i pari me 21 pikë, dy më shumë se Barcelona e Arsenali. Barcelona luajti 2:2 me Atalantan, ndërsa Arsenali fitoi 2:1 ndaj Gironas.
Johan Bakayoko, Ismael Saibari dhe Ricardo Pepi shënuan në pjesën e parë për PSV-në. Edhe Liverpooli i realizoi golat në pjesën e parë, përmes Cody Gakpos nga penalltia dhe Harvey Elliotit.
PSV-ja përfundoi në pozitën e 14-të.
Direkt në një të tetën e finales janë kualifikuar Liverpooli, Barcelona, Arsenali, Interi, Atletico Madridi, Bayer Leverkuseni, Lille e Aston Villa.
Në plejof të Championsit janë kualifikuar 16 skuadra. Bartës në shortin e plejofit janë: Atalanta, Borussia Dortmundi, Bayerni, Real Madridi, Milani, PSV-ja, PSG-ja e Benfica. Jo bartës në short janë: Monaco, Bresti, Feyenoordi, Juventusi, Celticu, Manchester City, Sportingu e Club Brugge.
Ndërkohë skuadrat e eliminuara në fazën e ligës janë: Dinamo Zagrebi, Stuttgarti, Shakhtar Donetsku, Bologna, Cërvena Zvezda, Sturm Grazi, Sparta Praga, RB Leipzigu, Girona, Red Bull Salzburgu, Slovan Bratislava e Young Boysi.
Xhiroja e fundit e Championsit
Rezultatet e xhiros së tetë (të fundit) në fazën e ligës në Champions:
Aston Villa – Celtic 4:2
Barcelona – Atalanta 2:2
Bayer Leverkusen – Sparta Praga 2:0
Bayern – Slovan Bratislava 3:1
Brest – Real Madrid 0:3
Dinamo Zagreb – Milan 2:1
Dortmund – Shakhtar Donetsk 3:1
Girona – Arsenal 1:2
Inter – Monaco 3:0
Juventus – Benfica 0:2
Lille – Feyenoord 6:1
Manchester City – Club Brugge 3:1
PSV – Liverpool 3:2
Salzburg – Atletico Madrid 1:4
Sporting – Bologna 1:1
Sturm Graz – RB Leipzig 1:0
Stuttgart – PSG 1:4
Young Boys – Cërvena Zvezda 0:1
Liverpooli mposhtet, por megjithatë përfundon i pari
Liverpooli e ka pësuar humbjen e parë në fazën e ligës në Champions. Të mërkurën në kuadër të xhiros së tetë, përkatësisht të fundit, Liverpooli pësoi 3:2 në holandë nga PSV-ja.
Liverpooli kishte shtatë fitore rresht, ndërsa pushoi shumë lojtarë për këtë sfidë. Liverpooli përfundoi i pari me 21 pikë, dy më shumë se Barcelona e Arsenali.
Barcelona luajti 2:2 me Atalantan, ndërsa Arsenali fitoi 2:1 ndaj Gironas.
Johan Bakayoko, Ismael Saibari dhe Ricardo Pepi shënuan në pjesën e parë për PSV-në. Edhe Liverpooli i realizoi golat në pjesën e parë, përmes Cody Gakpos nga penalltia dhe Harvey Elliotit.
PSV-ja përfundoi në pozitën e 14-të.
Barcelona në 1/8 e finales, Atalanta e humb mundësinë
Barcelona nuk ka lejuar të mposhtet në shtëpi nga Atalanta e Berat Gjimshitit.
“Blaugrana” të mërkurën mbrëma barazoi në shtëpi 2:2 me skuadrën italiane dhe ka avancuar në 1/8 e finales me 19 pikë nga vendi i dytë.
Atalanta do të luajë në 1/16 e finales në plejof, pasi përfundoi me 15 pikë në pozitën e nëntë.
Lamine Yamal shënoi për Barcelonën në minutën e 47-të, kurse Ederson i barazoi shifrat për mysafirët në minutën e 67-të.
Ronald Araujo në minutën e 72-të shënoi për 2:1.
Mario Pashaliq e vendosi sfidën me golin e minutës së 79-të.
Kapiteni i Shqipërisë e kompletoi ndeshjen te mysafirët.
Dinamo e pafat, mposht Milanin por nuk kualifikohet
Dinamo Zagrebit i ka munguar fati për të avancuar në plejofin e Ligës së Kampionëve.
Kampioni kroat e mposhti 2:1 Milanin e famshëm, por kjo fitore nuk ishte e mjaftueshme.
Dinamo përfundoi e 25-ta, përkatësisht në pozitën më të lartë që nuk siguron avancimin. Dinamo mblodhi 11 pikë, sa i kanë edhe Manchester City, Sportingu e Club Brugge. Por për shkak të goldallimit, Dinamo është e fundit prej këtyre skuadrave.
City, Sportingu e Brugge avancuan në plejof.
Dinamos i është dashur fitore edhe për tre gola më e thellë për t’u kualifikuar.
Martin Buturina e Marko Pjaca shënuan golat për Dinamon. Për Milanin realizoi Christian Pulisic . Milani prej minutës së 39-të luajti me një lojtar më pak në fushë.
Milani përfundoi i 13-ti dhe po ashtu avancon.
Dinamo ishte në lojë për kualifikim deri në fazë të vonshme të ndeshjeve.
Por barazimi 1:1 i Sportingut me Bolognan e nxori nga loja. Bologna ishte në epërsi 1:0 prej minutës së 21-të, ndërsa Sportingu golin e barazimit vendimtar e shënoi në minutën e 77-të.
Reali nuk gabon ndaj Brestit francez
Fituesi në fuqi i Ligës së Kampionëve, Real Madridi, nuk ka gabuar të mërkurën mbrëma në ndeshjen e fundit të fazës së ligës ndaj Brestit.
15 herë fituesi i “Championsit” e mposhti skuadrën franceze 3:0.
Rodrygo i shënoi dy gola, ndërsa një tjetër e realizoi Jude Bellingham.
Sulmuesi brazilian realizoi në minutën e 27-të fillimisht, më pas Bellingham në minutën e 56-të e dyfishoi epërsinë.
Rodrygo e vendosi rezultatin përfundimtar në minutën e 78-të me golin e dytë personal dhe të tretin për skuadrën.
Reali në 1/16 e finales avancon me 15 pikë nga vendi i 11-të, dy më shumë se Bresti që po ashtu ka avancuar tutje nga pozita e 18-të.
Parisi fiton thellë dhe kualifikohet
Paris Saint-Germaini ka fituar thellë në Gjermani ndaj Stuttgartit dhe ka bërë vend në plejofin e Ligës së Kampionëve.
Të mërkurën mbrëma parisienët fituan 4:1.
Ousmane Dembele shënoi “hat-trick” për Parisin, ndërsa një gol e shënoi Bradley Barcola.
Willian Pacho shënoi autogol në minutën e 77-të për rezultatin final, 4:1 për Parisin.
Parisi avancon në plejof nga pozita e 15-të e fazës së ligës.
Stuttgartit i kushtoi humbja me eliminim. Përfundoi i 26-ti me 10 pikë. Parisi i mblodhi 13 pikë.
Bayerni siguron plejofin e “Championsit”
Bayern Munichu ka fituar ndaj Slovan Bratislavës dhe ka avancuar në fazën nokaut të Ligës së Kampionëve.
Bavarezët fituan 3:1 të mërkurën mbrëma në “Allianz Arena”.
Thomas Muller e hapi serinë e golave në minutën e tetë, ndërsa Harry Kane shënoi në minutën e 63-të.
Për 3:0 shënoi Kingsley Coman në minutën e 84-t.
Kroati Marko Toliç e shënoi golin e vetëm për mysafirët në minutën e fundit.
Bayerni e përfundon fazën e ligës në vendin e 12-të me 15 pikë.
Slovan Bratislava eliminohet si e parafundit, pa asnjë pikë.
City nuk lejon turpërimin, fiton dhe kualifikohet
Manchester City nuk ka lejuar që të turpërohet duke u eliminuar në fazën e ligës në Champions.
City fitoi 3:1 ndaj Club Brugge të mërkurën në “Etihad” dhe siguroi biletën për fazën e plejofit.
Kampionit anglez i duhej fitorja për të shmangur eliminimin.
Pjesa e parë nuk ishte e suksesshme për skuadrën e Pep Guardiolas.
Raphael Onyedika shënoi për 1:0 në të mirë të klubit belg në minutën e 45-të.
Por City shfaqi forcën në pjesën e dytë.
Mateo Kovaçiq shënoi për 1:1 në minutën e 53-të. Joel Ordonez shënoi autogol në minutën e 62-të, ndërsa Savinho shënoi golin e tretë në minutën e 77-të.
Ardon Jashari startoi te Brugge.
City avancon në plejof nga pozita e 22-të e fazës së ligës. Mblodhi 11 pikë. Avancon në plejof edhe Club Brugge, që renditet i 24-ti me 11 pikë. Brugges i shkuan në favor disa rezultate të tjera.
Real Madridi po udhëheq 3:0
Real Madridi nuk po ka telashe për fitore ndaj Brestit.
Tashmë po udhëheq 3:0.
Jude Bellingham shënoi për 2:0 në minutën e 56-të, ndërsa Rodrygo për 3:0 në minutën e 78-të.
Rodrygo realizoi edhe golin e parë.
Atalanta barazon për herë të dytë
Atalanta ka barazuar sërish rezultatin në ndeshjen ndaj Barcelonës.
Për 2:2 shënoi Mario Pashaliq në minutën e 80-të.
Manchester City e shënon edhe golin e tretë
Manchester City po shkon drejt kualifikimit në Champions.
Për 3:1 në ndeshjen ndaj Club Brugge realizoi Savinho në minutën e 77-të.
Tjetër gol në ndeshjen Barcelona – Atalanta
Është shënuar goli i tretë në ndeshjen Barcelona – Atalanta.
Ronald Araujo realizoi për 2:1 në të mirë të Barçës në minutën e 73-të.
Atalanta barazon rezultatin në ndeshjen ndaj Barçës
Atalanta ka barazuar në 1:1 rezultatin në ndeshjen në udhëtim ndaj Barçës. Për 1;1 shënoi Ederson në minutën e 67-të.
Yamal kaloi në epërsi Barçën në minutën e 47-të.
Kthehet Dinamo, udhëheq 2:1 ndaj Milanit
Vazhdon gara e fortë për kualifikim në plejof të Championsit.
Dinamo Zagrebi ka kaluar në avantazh 2:1 ndaj Milanit. Marko Pjaca shënoi golin e dytë në minutën e 60-të.
Me rezultatet aktuale, Dinamo kualifikohet.
City në epërsi
Manchester City ka përmbysur rezultatin në ndeshjen ndaj Club Brugge. City kaloi në epërsi 2:1 në minutën e 62-të. Autogol shënoi Joel Ordonez.
Ai dërgoi topin në rrjetën e tij në tentim për ta larguar.
Me fitore, City kualifikohet në plejof.
“Hat-trick” i Dembles, Parisi 4:0
Ousmane Dembele e ka kompletuar “hat-trickun” në ndeshjen e PSG-së ndaj Stuttgartit.
Ai shënoi për 4:0 në minutën e 54-t. Realizoi me asistim të Achraf Hakimit.
Barazon Milani
Ndonëse me një lojtar më pak në fushë, Milani ka barazuar rezultatin në ndeshjen ndaj Dinamos në Zagreb.
Për 1:1 shënoi Christian Pulisic në minutën e 53-të. Vetëm një minutë më herët Dinamos iu anulua një gol pas rishikimit të VAR-it.
Barazon Manchester City
Manchester City e ka barazuar rezultatin në ndeshjen ndaj Club Brugge.
Kroati Mateo Kovaçiq shënoi për 1:1 në minutën e 53-të.
Barça në epërsi
Barcelona ka kaluar në epërsi 1:0 ndaj Atalantas.
Në minutën e 47-të shënoi supertalenti Lamine Yamal.
Përfundon pjesa e parë e ndeshjeve të Championsit, City drejt eliminimit
Ka përfunduar pjesa e parë e 18 ndeshjeve të fundit të fazës së ligës në Champions.
Befasinë më të madhe po e shkakton Brugge, që po fiton 1:0 ndaj Cityt në “Etihad”.
Nëse rezultatet aktuale mbesin, City eliminohet. Aktualisht është në vendin e 26-të. Eliminohet edhe Stuttgarti, ndërsa avancon Dinamo Zagrebi që po fiton 1:0 ndaj Milanit.
Manchester City pëson gol, rrezikon eliminimin e turpshëm
Manchester City po pëson 1:0 nga Club Brugge në “Etihad”.
Cityt i duhet fitorja për të avancuar në fazën nokaut. Eliminimi në fazën e ligës do të ishte i turpshëm për skuadrën e Pep Guardiolas.
Onyedika shënoi golin për Bruggen e Belgjikës në minutën e 45-të.
Parisi nuk lejon befasi, shënon golin e tretë
Photo: Associated Press
PSG-ja nuk po lejon fare befasi në ndeshjen ndaj Stuttgartit në Gjermani. Tashmë kampioni francez ka realizuar tri gola.
Për 3:0 shënoi Ousmane Dembele në minutën e 35-të.
Real Madridi në epërsi ndaj Brestit
Real Madridi ka kaluar në epërsi 1:0 ndaj Brestit në Francë.
Rodrygo shënoi gol të bukur në minutën e 27-të.
Realit i duhet fitorja për të shpresuar në kualifikim direkt në 1/8 e finales së Championsit.
Dinamo Zagrebi në epërsi ndaj Milanit
Martin Baturina ka shënuar në minutën e 19-të për epërsinë 1:0 të Dinamo Zagrebit ndaj Milanit.
Dinamos i duhet fitorja për të shpresuar në kualifikim në plejof të Championsit.
Parisi e shënon golin e dytë
PSG-ja ka shënuar golin e dytë në ndeshjen ndaj Stuttgartit.
Në minutën e 19-të, Ousmane Dembele shënoi me asistim të Barcolas.
Parisi në epërsi ndaj Stuttgartit
Parisi ka kaluar në epërsi 1:0 ndaj Stuttgartit në Gjermani.
Që në minutën e shtatë për parisienët shënoi Bradley Barcola.
PSG-së i duhet fitorja për të konfirmuar kualifikimin në plejofin e Championsit.
