Dortmundi ka fituar 2:1 në udhëtim te Lille në ndeshjen kthyese të një të tetës së finales dhe ka avancuar në çerekfinale.
Ndeshja e parë ishte mbyllur 1:1 në “Signal Iduna Park”.
“Verdhezinjtë” në fazën tjetër të garës do të ballafaqohen me Barcelonën, që të martën mbrëma e eliminoi Benficën me rezultatin e përgjithshëm, 4:1.
Dortmundi të mërkurën mbrëma ishte në disavantazh në ndeshjen që u zhvillua në Francë, por u kthye me dy gola në pjesën e dytë për përmbysjen e rezultatit dhe avancimit tutje me rezultatin e përgjithshëm 3:2.
Jonathan David i Lillet shënoi në minutën e pestë për vendësit.
Por, penalltia e Emre Canit që ishte e saktë në minutën e 54-t dhe goli i Maximilian Beierit në minutën e 65-të, bën që skuadra gjermane të kualifikohet.
Edon Zhegrova nuk luajti shkaku i lëndimit.
Sulmuesi i Kosovës pritet të kthehet në fund të këtij muaji.
Barcelona – Dortmund luhet më 8 apo 9 prill, ndërsa ndeshja kthyese do të zhvillohet pas një jave.
Lille në epërsi pas pjesës së parë
Lille është rrugës për ta regjistruar një tjetër befasi në Ligën e Kampionëve.
Skuadra franceze, pjesë e të cilës është Edon Zhegrova, është duke fituar 1:0 ndaj Dortmundit, në ndeshjen kthyese të 1/8 së finales së Championsit.
Jonathan David në minutën e pestë realizoi për 1:0.
Me këtë rezultat është mbyllur pjesa e parë.
Ndeshja në “Signal Iduna Park” javën e kaluar në Gjermani u mbyll 1:1.
Edon Zhegrova është i lënduar dhe nuk po paraqitet tash e një kohë të gjatë tek ekipi francez.
Sulmuesi i krahut pritet të kthehet në fund të muajit mars.
