Mesfushori i Bayern Muenchenit, Joao Palhinha, ka pësuar lëndim të rëndë muskulor gjatë stërvitjeve me Përfaqësuesen e Portugalisë. Ai pritet të jetë jashtë fushave për disa javë. Kështu ka njoftuar të martën Bayerni në faqen zyrtare.
“Departamenti mjekësor i Bayernit ka konfirmuar se Joao Palhinha ka pësuar lëndim të rëndë muskulor gjatë stërvitjes me kombëtaren e Portugalisë. Për këtë arsye mesfushori do të jetë jashtë fushës për javët e ardhshme”, ka shkruar gjiganti gjerman.
Palhinha i mungoi Portugalisë në dy ndeshjet e këtij muaji ndaj Polonisë dhe Kroacisë që ishin të vlefshme për Ligën e Kombeve.
29-vjeçari Palhinha te Bayerni u transferua nga Fulhami në afatin kalimtar të verës për 51 milionë euro.
Këtë edicion në të gjitha garat ka luajtur në 13 ndeshje.
