Mesfushori Qëndrim Zyba do të kthehet te Ballkani, pasi Legia e Varshavës nuk e ka blerë kartonin e tij.
Klubi polak të premten ka konfirmuar se nuk do ta ushtrojë të drejtën për blerjen e Zybës.
Mesfushori kosovar iu bashkua Legias më 1 shkurt të këtij viti. Bëri debutimin dy javë më vonë, kundër Molde FK në Ligën e Konferencës. Që atëherë, ai ka luajtur gjashtë ndeshje, kryesisht si zëvendësues në minutat e fundit.
Zyba konfirmon largimin nga Legia
Qëndrim Zyba përshëndetet me Legian e Varshavës. Ai ishte huazuar te skuadra e Legias nga skuadra e Ballkanit të Suharekës. “Faleminderit Legia dhe lamtumirë”, ka shkruar Zyba në një postin në Instagram.
Mesfushori i Kosovës luajti 52 minuta në pesë ndeshje kampionale për Legian.
LEXO EDHE:
