Lazio është mbajtur deri në fund të ndeshjes dhe madje ka fituar në udhëtim te Viktoria Plzeni në ndeshjen e parë të 1/8 së finales së Ligës së Evropës, pavarësisht se mbeti me dy lojtarë më pak.
Skuadra italiane fitoi 2:1 dhe ka bërë hap të madh drejt çerekfinales.
Ndeshja kthyese luhet në “Olimpico” javën tjetër.
Alessio Romagnoli shënoi në minutën e 18-të për mysafirët, kurse Rafiu Durosinmi i barazoi shifrat.
Nicolo Rovella dhe Samuel Gigot u përjashtuan nga loja në minutën e 77-të dhe të 93-të, por Lazio fitoi me golin e minutës së 98-të, të realizuar nga Gustav Isaksen.
