Sulmuesi i Kosovës, Ermal Krasniqi, e ka shënuar golin e parë me fanellën e Sparta Pragës çeke.
Ai të shtunën mbrëma kontribuoi në fitoren e thellë të skuadrës së tij ndaj Teplices, me rezultatin 4:1.
Ishte ndeshja e xhiros së dytë e elitës së futbollit të Republikës së Çekisë.
Krasniqi në lojë u inkuadrua në minutën e 69-të, ndërsa golin e shënoi në minutën e pestë të kohës shtesë.
Qazim Laçi u paraqit te Sparta Praga deri në minutën e 69-të.
25-vjeçari iu bashkua Spartës së Pragës gjatë afatit kalimtar të verës nga Rapidi i Bukureshtit për dy milionë euro.
Me përfaqësuesen e Kosovës, Krasniqi ka zhvilluar katër ndeshje.
VIDEO:
Ermal Krasniqi a jeho premiérový gól v lize. 👏⚽️ pic.twitter.com/QzSqJKYzmk
— Chance Liga (@chanceliga) July 27, 2024
