Skuadra e Ermal Krasniqit, Albion Rrahmanit, Qazim Laçit e Indrit Tucit, Sparta e Pragës, ka shënuar fitore të madhe në ndeshjen e parë të plejofit të Ligës së Kampionëve.
Skuadra çeke realizoi fitore 2:0 në udhëtim te Malmo të mërkurën mbrëma dhe është rezultat premtues që mund ta dërgojë Spartën e Pragës në fazën grupore të Championsit.
Autogoli i Jens Stryger Larsen në minutën e 31-të dhe goli i Matej Rynesit e vendosën sfidën e zhvilluar në “Eleda Stadion”.
Laçi luajti deri në minutën e 68-të, kurse Krasniqi e Tuci ishin në bankën rezervë.
Rrahmani nuk udhëtoi fare për në Suedi me klubin, por mund të luajë në ndeshjen kthyese.
