Përfaqësuesja U21 e Kosovës e ka fituar edhe miqësoren e dytë ndaj Maqedonisë së Veriut.
Të dielën në ndeshjen që u zhvillua në kompleksin stërvitor të Federatës së Futbollit të Maqedonisë së Veriut “Petar Milosevski”, “Dardanët” e rinj fituan 1:0.
Golin e fitores për Kosovën U21 e realizoi Aulon Bitiqi në minutën e 40-të.
Bitiqi realizoi gol të bukur me kokë nga afërsia për t’ia siguruar fitoren Kosovës U21.
Në ndeshjen e parë që u luajt të enjten, Kosova U21 e mposhti Maqedoninë e Veriut me rezultatin 3:1.
