Sulmuesi i krahut, Lamine Yamal, do ta vazhdojë kontratën me Barcelonën përtej vitit 2026, ka thënë agjenti i futbollistit, Jorge Mendes të mërkurën.
17-vjeçari që luan për Spanjën, ka kohë që po shkëlqen. Ai e ndihmoi Spanjën që ta fitoi Evropianin, ndërsa këtë edicion i ka 11 gola e 16 asistime në 35 paraqitje për Barçën.
Ai është prodhim i akademisë së Barcelonës, ndërsa ka debutuar në prill të vitit 2023.
“Lamine do të vazhdojë te Barcelona. Gjëja e rëndësishme është të mendohet për anën sportive”, ka thënë Mendes pas takimit me presidentin e Barcelonës, Joan Laporta në Libonë.
