Klubi bullgar, Arda Kardzhali, ka kërkuar falje pasi mbajti një minutë heshtje për një ish-lojtar që është ende gjallë.
Klubi nga qyteti Kardzhali luan në elitën bullgare. Para ndeshjes së luajtur të dielën me Levski Sofidna, u mbajt një minutë heshtje për të nderuar Petko Ganchevin.
VIDEO:
Bulgaristan ekibi PFC Arda, Levski Sofia maçı öncesinde, vefatından dolayı 1 dakikalık saygı duruşu organize ettiği eski futbolcusu Petko Ganchev'in ölmediği ortaya çıkınca futbolcudan özür diledi.pic.twitter.com/Bh7wTrlxlN
Dy ekipet u vendosën në rrethin e mesfushës dhe qëndruan në heshtje për të nderuar Ganchevin.
Por ende pa përfunduar ndeshja, Arda njoftoi që ka pranuar informatë të gabuar për vdekjen e Ganchevit.
“Menaxhmenti i PFC Arda dëshiron t’i kërkojë falje ish-lojtarit Petko Ganchev dhe familjarëve t tij, pasi klubi ka njoftuar informatë të gabuar për vdekjen e tij.
I dëshirojmë Ganchevit edhe shumë vjet me shëndet të mirë dhe që të shijojë sukseset e Ardas”.
Ky postim është fshirë të hënën mbrëma.
