Skuadra e Juventusit është kthyer te fitorja në elitën e futbollit italian.
Pas disfatës që e pësoi xhiron e kaluar nga Parma, “zonja e vjetër” të dielën fitoi në shtëpi ndaj Monzas me rezultatin 2:0.
Kjo ndeshje ishte e vlefshme për javën e 34-t të Serie A. Deri në fund kanë mbetur edhe katër xhiro.
Nicolas Gonzalez e shënoi golin e parë në minutën e 11-të.
Për 2:0 shënoi sulmuesi francez, Randal Kolo Muani, në minutën e 33-të.
Krejt në fund të pjesës së parë, sulmuesi i talentuar turk i Juventusit, Kenan Yildiz, u ndëshkua direkt me karton të kuq.
Juventusi ka 62 pikë në pjesën e epërme të tabelës.
Monza ka 15 pikë në pozitën e fundit.
