Marko Arnautoviq e shënoi njërin prej golave më të bukur në edicionin aktual të Kupës së Italisë në fitoren 2:0 ndaj Lazios të martën mbrëma.
Golin e dytë e shënoi Hakan Calhanoglu.
Arnautoviqi realizoi nga distanca dhe goli u pranua, ndonëse mbrojtësi Stefan De Vrij, ishte në pozitë jashtë loje në atë moment.
“Nerazzurrët” në gjysmëfinale më 2 prill, e luajnë ndeshjen e parë gjysmëfinale ndaj “rossonerëve” të Milanit.
Në Itali është folur shumë për golin e Arnautoviqit.
“Corriere dello Sport” e ka vlerësuar si “katastrofë” dhe po ashtu ka shkruar të mërkurën se pamja e portierit nuk ishte shumë e qartë pasi De Vrij ishte para tij.
Mosndërhyrja e VAR-it, sipas mediumit të madh italian, “është edhe më serioze”.
Gjyqtarët e pranuan golin pasi e kanë vlerësuar se distanca e De Vrij me portierin kundërshtar ishte e mjaftueshme që të mos anulohet shënimi i Arnautoviqit, shkruan “Football-Italia”.
🤩 Marko Arnautovic'in muazzam golünü kale arkasından izlemek daha zevkli!pic.twitter.com/xvAsv5uUC5
— Calcio Türkiye 🇹🇷🇮🇹 (@CalcioTurkey) February 26, 2025
