Italia nuk ka lejuar befasi në ndeshjen ndaj Izraelit.
Të hënën mbrëma në Udine, Italia fitoi me rezultat të thellë, 4:1. Ndeshja i takoi xhiros së katërt të grupit A2 të Ligës së Kombeve.
Mateo Retegui shënoi penallti për Italinë në minutën e 41-të.
Giovanni Di Lorenzo shënoi për 2:0 në minutën e 54-t. Mohammad Abu Fani ngushtoi rezultatin në 2:1 në minutën e 66-të.
Davide Frattesi ktheu qetësinë te azurët me golin e minutës së 72-të, ndërsa për 4:1 shënoi Di Lorenzo në minutën e 79-të.
Italia udhëheq në Grupin A2 me 10 pikë. Izraeli mbetet pa pikë.
