Mediumi italian, “Il Corriere della Sera”, ka shkruar të premten se gjyqtarët në Itali kanë thënë se trajneri i Interit, Simone Inzaghi, e ka merituar kartonin e kuq për kërkesën që e pati në derbin ndaj Milanit.
Milani ditë më parë e fitoi 3:0 ndeshjen kthyese të gjysmëfinales së Kupës së Italisë dhe avancoi në finale ku më 14 maj luan ndaj Bolognas në “Olimpico” të Romës.
Trajneri i “nerazzurrëve” kishte kërkuar me tone të larta që të mos jepen minuta shtesë në atë duel, pasi ndeshja veçse ishte humbur me rezultat të thellë.
Por, gjyqtari kryesor, Daniele Doveri, nuk e kishte përjashtuar nga loja.
Kërkesa e Inzaghit ishte plotësuar dhe gjyqtari Doveri e kishte mbyllur ndeshjen menjëherë pasi përfunduan 90 minutat.
Inzaghi dhe Interi mbesin në garën për titull në Serie A dhe janë në gjysmëfinale të Ligës së Kampionëve ku do të ballafaqohen me Barcelonën.
