Interi nuk lejon befasi, avancon në mesin e tetë më të mirëve

Interi ka bërë vend në mesin e tetë skuadrave më të mira në Ligën e Kampionëve.

Në një të tetën e finales skuadra e madhe italiane e eliminoi Feyenoordin holandez.

Të martën mbrëma në “Giuseppe Meazza”, Interi e mposhti Feyenoordin me rezultat 2:1. Ndeshjen e parë skuadra e Simone Inzaghit e kishte fituar 2:0 dhe me rezultatin e përgjithshëm 3:1 avancoi në çerekfinale.

Marcus Thuram shënoi për 1:0 në të mirë të Interit në minutën e tetë. Jakub Moder ishte i saktë nga pika e bardhë për të barazuar rezultatin në 1:1 në minutën e 42-të.

Ndërkohë golin e fitores për Interin e realizoi Hakan Çalhanoglu në minutën e 51-të. Edhe ai shënoi nga pika e bardhë.

Çalhanoglu në minutën e 61-të la vendin në fushë për Kristjan Asllanin. Asllani në minutën e 63-të u ndëshkua me karton të verdhë dhe do të mungojë në ndeshjen e parë çerekfinale.

Çalhanoglu shënon për epërsinë e Interit

Interi po udhëheq 2:1 ndaj Feyenoordit.

Hakan Çalhanoglu shënoi nga penalltia në minutën e 51-të.

Goli

Interi e Feyenoordi po barazojnë pas pjesës së parë

Interi e Feyenoordi po luajnë 1:1 pas pjesës së parë të ndeshjes. 

Ky rezultat e dërgon tutje Interin që në Holandë kishte fituar 2:0.

Barazon Feyenoordi

Feyenoordi ka barazuar rezultatin në ndeshjen ndaj Interit.

Për 1:1 shënoi Jakub Moder nga penalltia në minutën e 42-të.

Interi në epërsi të hershme

Interi ka kaluar në epërsi 1:0 ndaj Feyenoordit.

Marcus Thuram shënoi në minutën e tetë.

Është kjo ndeshja e kthimit e një të tetës së finales në Champions.

Po luhen edhe ndeshjet Liverpool – PSG dhe Bayer Leverkusen – Bayern.

VIDEO: