Mesfushori i Rubin Kazanit, Veldin Hoxha, e ka komentuar përjashtimin e bashkëlojarit të tij, Mirlind Daku, në ndeshjen ndaj Dynamo Moskës.
Rubini të dielën u mposht në udhëtim nga Dynamo Moska me rezultatin 3:1.
Reprezentuesi i Shqipërisë, Daku, në minutën e 90-të u ndëshkua me kartonin e dytë të verdhë dhe u përjashtua.
Hoxha ka deklaruar se përjashtimi i Dakut ishte i pamerituar.
“Nuk dua të them asgjë për gjyqtarët. Kjo nuk është puna ime. Mendoj se largimi i Dakut ishte i pamerituar”, ka thënë Hoxha, shkruajnë të hënën mediumet ruse.
Daku para se të përjashtohej asistoi te goli i vetëm i Rubinit.
Për 27-vjeçarin Daku ky ishte kartoni i dytë i kuq që e merr këtë edicion.
Daku në 23 ndeshjet e zhvilluara deri më tani ka realizuar 11 gola dhe ka bërë tetë asistime.
Ai është sulmuesi kryesor i skuadrës së Rubin Kazanit.
