(22:25) - Uran Bislimi ka shënuar gol për Luganon në ndeshjen kundër Fenerbahçes. Ai shënoi golin e barazimit 2:2 në ndeshjen kundër skuadrës turke. Bislimi realizoi në minutën e 64-t të ndeshjes së parë kualifikuese të raundit të dytë të Ligës Kampionëve. Por në fund Fenerbahçe e fitoi 4:3 ndeshjen e luajtur në Zvicër.
Tre gola për Fenerin i ka shënuar Edin Xheko. Golin e parë e shënoi nga penalltia në minutën e 45-të, kurse me të filluar pjesa e dytë, saktësisht në minutën e 46-të shënoi golin e dytë. “Hat-trickun” e kompletoi në minutën e 67-të, derisa golin e katërt për Fenerin e shënoi Ferdi Kadioglu në minutën e 74-t.
Bislimi luajti deri në minutën e 72-të. Amir Shaipi kompletoi ndeshjen në portë. Albian Hajdari mbeti në stol.
Ndeshja kthyese luhet javën e ardhshme në Stamboll. Fenerbahçe udhëhiqet nga trajneri portugez, Jose Mourinho.
Bislimi shënon gol ndaj Fenerbahçes
(22:00) - Uran Bislimi ka shënuar gol për Luganon në ndeshjen kundër Fenerbahçes. Ai shënoi golin e barazimit 2:2 në ndeshjen kundër skuadrës turke.
Bislimi realizoi në minutën e 64-t të ndeshjes së parë kualifikuese të raundit të dytë të Ligës Kampionëve.
Fenerbahçe është duke fituar 3:2. Tre golat për Fenerin i ka shënuar Edin Xheko. Aktualisht po luhet minuta e 68-të.
GOL | Lugano 2-2 Fenerbahçe, 64' Bislimi #LUGvFB pic.twitter.com/0JouAn1ChQ
— Süper Lig Yayın (@macyayini009) July 23, 2024
Mourinho e nis keq me Fenerbahçen, pëson gol pas tetë minutave
(20:43) - Trajneri portugez Jose Mourinho e ka nisur keq aventurën e tij te skuadra turke, Fenerbahçe. Ekipi turk ka pësuar gol nga skuadra elitare e Zvicrës, Lugano, në raundin e dytë kualifikues të Ligës së Kampionëve.
Lugano shënoi gol në minutën e tetë.
Titullar te Lugano është Uran Bislimi, kurse Albian Hajdari është në stol.
