Arlind Sejdiu ka shkëlqyer në ndeshjen e parë të Hakas për këtë vit.
Haka të mërkurën e fitoi 3:1 ndeshjen e parë të Kupës së Ligës ndaj KTP-së, ndërsa 23-vjeçari ishte më i miri në fushë.
E realizoi një gol dhe kontribuoi me dy asistime në fitore.
Ai shënoi pas një kundërsulmi të shpejtë në minutën e 25-të për 1:0.
Më pas asistoi në golin për 2:0 në minutën e 53-të, dhe në minutën e 60-të për 3:1.
Sejdiu e kompletoi ndeshjen për Hakan, që në Grupin A të Kupës së Ligës në Finlandë, ka tri pikë në vendin e parë pas një ndeshje të luajtur.
