Gjilani ia ka shkaktuar Suharekës humbjen e katërt rresht në të gjitha garat.
Gjilanasit të shtunën e fituan ndeshjen e xhiros së 22-të të Superligës së Kosovës në futboll, që u zhvillua në stadiumin me bar sintetik në Suharekë, 2:1.
Suhareka në Kupë u mposht nga Prishtina, ndërsa edhe dy humbje tjera në Superligë i pësoi nga Dukagjini dhe Drita.
Senad Jaroviq ishte i saktë për epërsinë 1:0 të Gjilanit, kur realizoi nga penalltia në minutën e 42-të.
Për 1:1 realizoi Endrit Krasniqi, në minutën e parë shtesë të pjesës së parë.
Por, në minutën e 54-t, Gjilani realizoi edhe një herë tjetër.
Edi Basha shënoi për 2:1 dhe për golin e fitores në minutën e 54-t.
Ai gjuajti nga distanca dhe falë edhe reagimit jo të mirë të portierit kundërshtar, Oytun Ozdogan, ia siguori pikët e plota ekipit të tij.
Gjilani ngjitet në pozitën e katërt me 31 pikë, dy më shumë se Prishtina që e ka një ndeshje më pak të luajtur.
Suhareka në pozitën e gjashtë mbetet me 26 pikë, aq sa ka edhe Ferizaj me një ndeshje më pak të luajtur.
Basha realizon nga distanca, reagim jo i mirë i portierit
Futbollisti i krahut i Gjilanit, Edi Basha, ka shënuar gol për 2:1 në të mirë të Gjilanit, në udhëtim te Suhareka.
Basha në minutën e 54-t gjuajti nga distanca dhe e realizoi golin e katërt të edicionit. Ai i ka edhe katër asistime.
Gjuajtja ishte e fortë por qendrore, ndërsa reagimi i portierit Oytun Ozdogan, nuk ishte më i miri i mundshëm.
Baras në Suharekë pas pjesës së parë
Mesfushori Endrit Krasniqi e ka shënuar golin e parë me fanellën e Suharekës.
Ai i barazoi shifrat në 1:1, në duelin ndaj Gjilanit që po luhet në stadiumin me bar sintetik në Suharekë.
Krasniqi shënoi me gjuajtje vollej nga zona, në minutën e parë shtesë të pjesës së parë.
Për Gjilanin në minutën e 42-të nga penalltia realizoi Senad Jaroviq.
Me rezultatin 1:1 është mbyllur pjesa e parë.
Pa gola është mbyllur pjesa e parë e ndeshjes Feronikeli 74 – Dukagjini.
Gjilani në epërsi
Senad Jaroviq e ka kaluar në epërsi Gjilanin në ndeshjen në udhëtim te Suhareka.
Jaroviq realizoi nga penalltia në minutën e 42-të.
Ndeshja i takon xhiros së 22-të.
