Gjermania e ka fituar ndaj Italisë ndeshjen e parë të çerekfinales së Ligës së Kombeve.
Gjermanët të enjten mbrëma në “San Siro” fituan 2:1 me përmbysje të rezultatit.
Sandro Tonali realizoi për 1:0 në minutën e nëntë, kurse Tim Kleindienst i barazoi shifrat katër minuta pasi nisi pjesa e dytë.
Leon Goretzka e vendosi rezultatin final të ndeshjes, në minutën e 76-të.
Skuadra që avancon tutje do të vendoset pas tre ditësh në “Signal Iduna Park” të Dortmundit.
