Sulmuesi francez, Olivier Giroud ka njoftuar të hënën se do të largohet nga Milani në fund të edicionit.
“Jam këtu për t’u thënë se dy ndeshjet e ardhshme do të jenë të fundit për mua te Milani. Jam shumë krenar për gjithçka që kam bërë për Milanin në këto tre vite. Është koha e duhur për ta thënë lamtumirën. Më falni, jam pak i emocionuar, por historia ime me Milanin përfundon këtë vit, por Milani do të mbetet përgjithmonë në zemrën time”, u shpreh Giroud. Francezi karrierën pritet ta vazhdojë te skuadra amerikane Los Angeles.
37-vjeçari iu bashkua Milanit në vitin 2021 nga skuadra Chelsea për pesë milionë euro.
Në 130 paraqitje me fanellën e ekipit kuqezi, Giroud ka shënuar 48 gola dhe ka bërë 20 asistime. Me Milanin, Giroud ka fituar një titull të kampionit në Itali.
