Sulmuesi Cristhian Stuani ka shënuar gol në minutën e 99-të për t’ia siguruar tri pikë Gironas.
Girona të dielën në shtëpi e mposhti Athletico Bilbaon me rezultatin 2:1 në kuadër të xhiros së nëntë të La Ligas.
Stuani u aktivizua në minutën e 93-të dhe në fund shënoi nga penalltia për 2:1. Golin e parë për Gironan e shënoi Yaser Asprilla në minutën e 39-të.
Golin e vetëm të Bilbaos e shënoi Oihan Sancet në minutën e 41-të.
Girona nga nëntë ndeshje të zhvilluara ka 12 pikë dhe renditet në pozitën e 11-të. Bilbao është në vendin e gjashtë me 14 pikë.
