Albian Ajeti e ka shënuar edhe golin e katërt në tri ndeshjet e fundit me skuadrën e Baselit.
Por, goli i sulmuesit 27-vjeçar nuk i ka mjaftuar skuadrës së madhe zvicerane që barazoi 1:1 në udhëtim te Sioni të shtunën mbrëma.
Ajeti shënoi në minutën e pestë për 1:0, ndërsa në minutën e 26-të, Baseli pranoi gol dhe ndeshja u mbyll me rezultatin 1:1.
Ajeti, që luajti vetëm në pjesën e parë, në pesë ndeshjet e fundit ka edhe tri asistime.
Ndeshja e së shtunës i takoi xhiros së gjashtë të elitës së futbollit zviceran.
Mesfushori Leon Avdullahu ishte titullar, por u përjashtua nga loja pas dy kartonëve të verdhë, në minutën e 89-të.
Xherdan Shaqiri dhe Benjamin Kololli u inkuadruan te mysafirët nga minuta e 71-të.
Taulant Xhaka mbeti në bankën rezervë.
Baseli dhe Sioni pas gjashtë ndeshjeve kanë nga dhjetë pikë.
