Atletico Madridi ka shënuar fitore falë një goli të shënuar në minutat shtesë, në udhëtimin e vështirë tek Athletic Bilbao.
Atletico e mposhti Bilbaon me rezultatin 1:0, në ndeshjen e xhiros së katërt të La Ligas.
Nico Williams mendoi se realizoi gol dy minuta pas pushimit, por shënimi i tij u anulua për pozitë jashtë loje.
Dhe kur ballafaqimi po shkonte drejt barazimit pa gola, në skenë u shfaq mesfushori argjentinas, Angel Correa, që shënoi në minutën e dytë të shtesës.
Ai u asistua nga Alexander Sorloth.
Për Atleticon është fitorja e dytë krahas dy barazimeve dhe pas katër ndeshjeve, ka tetë pikë.
Bilbao e pësoi humbjen e dytë, ndërsa e ka edhe një fitore e një barazim.
