Mesfushori Albert Dabiqaj ka shkëlqyer të hënën në fitoren e Dritës ndaj Llapit.
Drita në kuadër të javës së 14-t të Superligës së Kosovës në futboll shënoi fitore të rëndësishme ndaj Llapit me përmbysje të rezultatit, 3:1.
Për Llapin kjo ishte ndeshja e shtatë rresht pa fitore këtë edicion.
Mysafirët kaluan të parët në epërsi me golin që e realizoi Blend Baftiu në minutën e 22-të.
Albert Dabiqaj ia siguroi tre pikët shumë të vlefshme Dritës me golat që i shënoi në minutën e 68-të, të 75-të dhe 92-të.
Dritës iu anulua edhe një gol i sulmuesit Melos Zenunaj në minutën e 52-të për shkak të një ndërhyrje të palejuar në sulm.
Drita mbetet lider në tabelë me 31 pikë. Pesë pikë ka më shumë se Ballkani që është në pozitën e dytë .
Llapi ka 16 pikë dhe është në vendin e tetë.
