Trajneri kroat, Ivan Juriq e ka filluar me fitore aventurën e tij te Roma.
Të dielën, Roma fitoi ndaj Udineses në shtëpi me rezultatin 3:0.
Roma pjesën e parë e mbylli me një gol epërsi. Sulmuesi ukrainas, Artem Dovbyk shënoi në minutën e 19-të. Në pjesën e dytë, Roma i shënoi edhe dy gola.
Paulo Dybala nga penalltia në minutën e 49-të dhe Tommaso Baldanzi në minutën e 70-të ishin realizatorët. Juriq te Roma e zëvendëson të shkarkuarin Daniele De Rossi.
