Trajneri i Paris Saint-Germainit, Luis Enrique ka vendosur që mos ta ftojë sulmuesin francez, Ousmane Dembele për ndeshjen ndaj Arsenalit.
Arsenali dhe Parisi do të takohen të martën nga ora 21:00 në kuadër të xhiros së dytë të fazës së ligës në Ligën e Kampionëve.
Enrique ka vendosur që mos ta ftojë Dembelen për arsye disiplinore, shkruan të hënën “L'Equipe”.
Raportohet se Dembele dhe Enrique kanë pasur mosmarrëveshje pas ndeshjes me Rennesin të premten.
Ish-sulmuesi i Barcelonës, Dembele këtë edicion në shtatë ndeshje të zhvilluara në të gjitha garat ka shënuar katër gola dhe ka bërë katër asistime.
