Sulmuesi slloven, Benjamin Sheshko, i ka shënuar dy gola për ta udhëhequr RB Leipzigun ndaj Augsburgut.
Ndeshja e së shtunës ishte e vlefshme për xhiron e pestë të Bundesligës.
Sheshko shpërtheu herët në ndeshje. Realizoi për 1:0 në minutën e 11-të dhe për 2:0 në minutën e 15-të.
Augsburgu humbi penallti në minutën e 27-të dhe në pjesën e dytë i pësoi edhe dy gola të tjerë.
Në minutën e 46-të, Lois Openda shënoi me asistim të Xavi Simons për 3:0. Simons në minutën e 57-të shënoi golin e fundit të takimit, ndërsa asistues ishte Sheshko.
Elvis Rexhbeçaj luajti deri në minutën e 68-të për Augsburgun, por nuk kishte ndonjë paraqitje për të mbajtur në mend.
Leipzigu i ka 11 pikë. Augsburgu mbetet me 4 pikë.
