Kosovare Asllani ka shënuar dy gola në ndeshjen e xhiros së dhjetë për futbolliste në Serie A të Italisë. Asllani me Milanin të shtunën fituan në shtëpi ndaj Sampdorias, me rezultatin, 3:1.
Sulmuesja shqiptare që përfaqëson Suedinë, Asllani i shënoi dy golat e parë për Milanin në minutën e katërt dhe të 21-të.
Golin e tretë për Milanin e shënoi Gloria Marinelli në minutën e 94-të.
Për Sampdorian golin e vetëm në ndeshje e shënoi mbrojtësja Cecilia Re në minutën e 74-të. Asllani luajti 87-të minuta në fitoren e Milanit.
Sampdoria ka 28 pikë dhe renditet në vendin e tetë me 28 pikë kurse Milani është në vend të gjashtë me 41 pikë.
