Futboll

Dukagjini shmang humbjen nga Drita në kohën shtesë

Dukagjini

Goli i sulmuesit Hekuran Berisha në minutën e dytë të kohës shtesë ka bërë që Dukagjini ta shmang disfatën nga Drita, që është lidere e elitës së futbollit kosovar. 

Drita që sigurt po shkon drejt një tjetër titulli në elitë, ishte afër që të merrte pikët e plota nga stadiumi “18 Qershori” në Klinë të shtunën. 

Por ndeshja e xhiros së 25-të e elitës së futbollit kosovar, u mbyll baras, 1:1. 

Drita ishte në epërsi prej minutës së 39-të. 

Ukrainasi Denys Kostyshyn që u zyrtarizua si futbollist i Dritës në mesin e muajit shkurt, shënoi për 1:0 në të mirë të Dritës, me asistim të Iljasa Zulfiut. 

Menjëherë pas golit të shënuar nga Drita, trajneri i Dukagjinit, Ismet Munishi, u përjashtua nga loja me të kuq nga gjyqtari Visar Kastrati.

Raste për shënim pati nga të dyja skuadrat edhe në pjesën e dytë, por barazimi erdhi pak para se të mbyllej e tërë ndeshja. 

Berisha shënoi nga afërsia dhe ia siguroi një pikë të madhe Dukagjinit që po lufton për mbetje në elitë. 

Dukagjini është pa humbje në tri ndeshjet e fundit në Superligë, pas fitoreve ndaj Malishevës e Prishtinës. 

Drita pavarësisht barazimit, vazhdon të jetë lidere e me diferencë të madhe të pikëve nga vendi i dytë. 

Drita ka 54 pikë në vendin e parë, ndërsa Ballkani në vendin e dytë ka 43 pikë. 

Dukagjini në vendin e shtatë mbetet me 31 pikë në 25 ndeshje, dy më shumë se Suhareka që është në vendin e tetë, përkatësisht atë të barazhit. 

Suhareka e ka një ndeshje më pak të luajtur. 

Dramë në fundin e ndeshjes në Klinë

Hekuran Berisha ka shënuar gol nga afërsia dhe e ka barazuar rezultatin për Dukagjinin ndaj Dritës. 

Ndeshja u mbyll me rezultat 1:1. Ai realizoi në minutën e 92-të.


Pjesa e parë në Klinë me tensione, Drita në epërsi

Drita e ka fituar pjesën e parë të ndeshjes së xhiros së 25-të të Superligës së Kosovës në futboll ndaj Dukagjinit në Klinë.

Ndeshja ishte e tensionuar, por ishin gjilanasit që shënuan një gol dhe shkuan në pushim me epërsi. 

Denys Kostyshyn realizoi me kokë pas asistimit të Iljasa Zulfiut, ish-futbollistit të Dukagjinit. 

Ukrainasi realizoi në minutën e 39-të.


Drita në epërsi pak para pushimit

Me golin e shënuar nga mesfushori me tipare sulmuese, Denys Kostyshyn, Drita ka krijuar epërsi 1:0 ndaj Dukagjinit në Klinë, në xhiron e 25-të të Superligës së Kosovës. 

Ukrainasi Kostyshyn realizoi në minutën e 39-të me asistim të Iljasa Zulfiut. 

Menjëherë pas golit të shënura nga Drita, trajneri i Dukagjinit, Ismet Munishi, u përjashtua nga loja me të kuq nga gjyqtari Visar Kastrati.