Derbi në Gjilan mbyllet pa fitues
Pa fitues është mbyllur derbi mes Dritës dhe Gjilanit që u zhvillua në terrenin me bar sintetik në Gjilan të shtunën, e që i takoi xhiros së tetë të Superligës së Kosovës në futboll.
Drita dhe Gjilani barazuan 1:1.
Të dy golat u shënuan në pjesën e parë, ndërsa ndeshja në përgjithësi ishte shumë e luftuar nga të dyja skuadrat.
Arb Manaj shënoi me kokë në minutën e 35-të për epërsinë e Dritës pas asistimit të Raddy Ovoukas.
Por ishte Armend Thaqi i Gjilanit që i barazoi shifrat.
Thaqi golin e parë me fanellën e Gjilanit e realizoi nga penalltia në minutën e pestë të shtesës në pjesën e parë.
Deri në fund të ballafaqimit, ekipet patën edhe raste të tjera por gola nuk u shënuan.
Drita e ndali serinë e tri fitoreve të njëpasnjëshme, ndërsa tani ka 13 pikë dhe zë vendin e pestë. Drita ka dy ndeshje më pak të luajtura, atë ndaj Prishtinës që i takon xhiros së dytë, dhe ndaj Suharekës në ndeshjen e xhiros së tretë.
Gjilani me nëntë pikë zë vendin e shtatë.
Gjilani barazon në fund të pjesës së parë
Drita dhe Gjilani e kanë mbyllur pjesën e parë me rezultatin baras 1:1.
Gjilani e barazoi rezultatin në minutën e katërt shtesë të pjesës së parë. Armend Thaqi shënoi nga pika e bardhë.
Për Dritën shënoi Arb Manaj në minutën e 35-të. Ndeshja i takon xhiros së tetë të Superligës së Kosovës në futboll.
Drita në epërsi ndaj Gjilanit
Skuadra e Dritës ka kaluar në epërsi 1:0 ndaj Gjilanit.
Sulmuesi Arb Manaj realizoi për 1:0 në minutën e 35-të.
Ndeshja i takon xhiros së tetë të Superligës së Kosovës në futboll.
