Ekipi i Bundesligës gjermane, Dortmund, nuk ka lejuar befasi ndaj skuadrës së kategorisë së katërt të futbollit gjerman, Phonix Lubeck.
Dortmundi fitoi 4:1 në udhëtim te Phonixi, në ndeshjen e raundit të parë të Kupës së Gjermanisë, që u zhvillua në Hamburg.
Ekipi i drejtuar nga ish-mesfushori Nuri Shahin, i shënoi tre gola në pjesën e parë.
Waldemar Anton, Emre Can dhe Julian Brandt ishin realizatorë.
Obinna Iloka në minutën e 55-të e ngushtoi epërsinë, ndërsa golin e fundit në ndeshje e shënoi Julian Duranville, në minutën e 62-të.
