Dortmundi në epërsi

Real Madridi fiton superndeshjen me Dortmundin

Një ndeshje të nivelit të lartë kanë luajtur të martën mbrëma në “Santiago Bernabeu”, Real Madridi e Borussia Dortmundi.

Ishte kjo përsëritje e finales së Championsit të edicionit të kaluar. Dhe sërish fituan madrilenët.

Ndeshjen e xhiros së tretë të Ligës së Kampionëve, Madridi e fitoi 5:2.

Skuadra gjermane ishte në epërsi prej 2:0 pas pjesës së parë. Por as për së afërmi nuk ka mundur t’i rezistojë sulmit madrilen në pjesën e dytë.

Donyell Malen kaloi në epërsi 1:0 Dortmundin në minutën e 30-të. Menjëherë në minutën e 34-t, Mylen asistoi për Jamie Gittens që realizoi për 2:0 në të mirë të skuadrës gjermane.

Nuk vonoi shumë dhe Madridi goditi dy herë traversën në të njëjtin aksion. Por pa konkretizuar.

Me rezultatin 2:0 përfundoi pjesa e parë.

Pjesën e dytë skuadra e Carlo Ancelottit e nisi furishëm.

Antonio Ruediger shënoi në minutën e 60-të për të ngushtuar rezultatin në 2:1. Ishin shenjat e para të asaj që do të pasonte.

Vinicius Junior gjeti ritmin dhe barazoi në 2:2 në minutën e 62-të. Në minutën e 83-të për 3:2 shënoi Lucas Vazquez, me goditje të fortë nga zona. Vinicius Junior shënoi supergol në minutën e 86-të për 4:2. “Hat-trickun”, Viniciusi e kompletoi në minutën e 93-të për 5:2.

Për Madridin është fitorja e dytë në tri ndeshje të luajtura. Dortmundi ka pësuar humbjen e parë.

Madridi i pandalshëm, shënon Vinicius

Vinicius Junior ka shënuar për 4:2 në të mirë të Real Madridit në ndeshjen ndaj Dortmundit.

Superylli brazilian shënoi në minutën e 86-të. Ishte tjetër supergol i tij.

VIDEO:

Rikthim dramatik i Real Madridit, supergol i Vazquezit

Lucas Vazquez ka shënuar gol me goditje të fuqishme për të përmbysur rezultatin në ndeshjen Real Madrid – Dortmund.

Madridi prej minutës së 83-të udhëheq 3:2.

VIDEO:

Ndeshje e çmendur në Madrid, rezultati barazohet në 2:2

Real Madridi ka barazuar në 2:2 rezultatin në ndeshjen ndaj Dortmundit.

Vinicius Junior shënoi në minutën e 63-të.

Goli u pranua pas rishikimit të VAR-it.

VIDEO:

Rudiger kthen Madridin në lojë

Real Madridi ka ngushtuar në 2:1 rezultatin në ndeshjen ndaj Borussia Dortmundit.

Antonio Rudiger shënoi me goditje të fortë me kokë në minutën e 60-të. Kylian Mbappe bëri krosimin.

VIDEO:

Real Madridi po shokohet nga Dortmundi

Borussia Dortmundi po udhëheq 2:0 ndaj Real Madridit në “Santiago Bernabeu”, pas pjesës së parë të ndeshjes së xhiros së tretë të Championsit.

Donyell Malen shënoi për 1:0 në minutën e 30-të, pas asistimit mjeshtëror të Serhou Guirassyt.

Vetëm katër minuta më pas, Malen bëri asistim të bukur për Jamie Gittens që shënoi për 2:0.

Nuk vonoi shumë dhe madrilenët goditën dy herë traversën në të njëjtin aksion, por pa realizuar.

Dortmundi shënon golin e dytë

Dortmundi ka shënuar golin e dytë ndaj Real Madridit në "Santiago Bernabeu". 

Malen këtë herë asistoi kurse për 2:0 realizoi Bynoe-Gittens në minutën 34.

VIDEO: