Portieri i Paris Saint-Germainit, Gianluigi Donnarumma, ka pësuar lëndim të rëndë në ndeshjen derbi Monaco – PSG.
Donnarumma është dashur të zëvendësohej në minutën e 22-t, pas ndërhyrjes që ia bëri mbrojtësi i Monacos, Wilfried Singo.
Singo nuk u ndëshkua me të kuq.
Ai tentoi të realizonte në portën e portierit italian, por nuk e qëlloi topin mirë, ndërsa më pas e goditi në fytyrë Donnarumman, që është gjakosur menjëherë.
PSG-ja është duke e fituar derbin në udhëtim te Monaco 1:0.
Pjesa e parë u mbyll me golin e shënuar nga Desire Doue, në minutën e 24-t.
VIDEO:
🇫🇷Es una LOCURA la patada que recibió Gianluigi Donnarumma en el PSG vs Monaco❌
— Ligas Top del Fútbol (@LigasTopFutbol) December 18, 2024
🇮🇹El portero italiano tuvo que ser sustituido, y Wilfried Singo NI SIQUIERA VIO AMARILLA.pic.twitter.com/vmW9Q4r1iT
PSG-ja fiton derbin me Monacon, lëndohet Donnarumma
Portieri i Paris Saint-Germainit, Gianluigi Donnarumma, ka pësuar lëndim të rëndë në minutën e 22-të, në fitoren që skuadra e tij e realizoi në udhëtim te Monaco.
PSG-ja fitoi 4:2 në ndeshjen derbi të xhiros së 16-të në Francë.
Dy minuta pas largimit të Donnarummas, Desire Doue e kaloi PSG-në në epërsi.
Monaco u kundërpërgjigj me dy gola të shpejtë në pjesën e dytë.
Eliesse Ben Seghir në minutën e 53-të nga penalltia dhe Breel Embolo në minutën e 60-të, shënuan për 2:1.
Ousmane Dembele katër minuta më pas, Goncalo Ramos në minutën e 83-të dhe Dembele sërish në minutën e 97-të, shënuan për fitoren e parisienëve.
PSG-ja marshon drejt një titulli të ri në Ligue 1 të Francës.
Prinë në tabelë me 40 pikë, dhjetë më shumë se Monaco e vendit të tretë.
30 pikë i ka edhe Marseille në vendin e dytë, por me një ndeshje më pak të luajtur.
