Juventusi ka konfirmuar se Franscisco Conceiçao ka pësuar lëndim muskulor, dhe sipas “Sky Sport Italias”, portugezi do të jetë jashtë fushës për një muaj.
Transferimi i verës nga “zonja e vjetër” u lëndua në stërvitje të mërkurën.
Të tjera teste mjekësore për të do të bëhen brenda dhjetë ditësh, ka bërë të ditur Juventusi në komunikatën zyrtare.
21-vjeçari u huazua nga Porto në javën e fundit të afatit kalimtar veror.
Futbollisti i krahut debutoi në vikendin e kaluar, kur u inkuadrua si zëvendësues në barazimin pa gola me Romën në “Allianz Stadium”.
Conceiçao e shënoi golin e parë dhe të vetmin në gjashtë paraqitje me Portugalinë, gjatë fazës grupore të “Euro 2024”.
Ai e realizoi golin e fitores 2:1 ndaj Republikës së Çekisë.
